Category: სიახლეები

ბუნების გაკვეთილზე მოსწავლეებმა მიკროსკოპით დაათვალიერეს ხრტილი, ფოთოლი, კანი და პეპლის პირის აპარატი. დაკვირვებისა და შედარების პროცესმა მათ მეცნიერული აზროვნება კიდევ უფრო გააღრმავა.

ქართული ენისა და ლიტერატურის მასწავლებლის ხელმძღვანელობით ჩატარდა გასვლითი-შემეცნებითი გაკვეთილი თემაზე „ჰაგიოგრაფიული ნაწარმოებები“. მოსწავლეებმა მოინახულეს მეტეხისა და მთაწმინდის ისტორიული ადგილები და გაეცნენ ქართული ჰაგიოგრაფიის მნიშვნელოვან მემკვიდრეობას, მათ შორის წმინდა შუშანიკის საფლავს.

სპექტაკლი „ნატვრის თვალი“ მოსწავლეებისთვის საინტერესო და შთამბეჭდავი კულტურული გამოცდილება გახდა. ასეთ ღონისძიებებში მონაწილეობა მნიშვნელოვნად უწყობს ხელს მათ ესთეტიკური გემოვნების ჩამოყალიბებას, შემოქმედებითი აზროვნების განვითარებას და თეატრალური ხელოვნებისადმი ინტერესისა და სიყვარულის გაღრმავებას.

სკოლის პირველკლასელებმა მონაწილეობა მიიღეს მათემატიკურ შეჯიბრში, სადაც მათ გამოავლინეს ცოდნა, სისწრაფე და თავდაჯერებულობა.მათი მონდომება და აქტიურობა საამაყოა როგორც პედაგოგებისთვის, ისე მთელი სკოლის საზოგადოებისთვის.

ჩვენი სკოლის მოსწავლეებმა მონაწილეობა მიიღეს საგანმანათლებლო ექსკურსიაში, რომელიც სომხეთის დედაქალაქ ერევანში გაიმართა.მათ მოინახულეს სევანის ტბა, დაათვალიერეს მრავალი ისტორიული და კულტურული ღირსშესანიშნაობა, გაეცნენ მეზობელი ქვეყნის ტრადიციებსა და კულტურას.დღე გამორჩეულად საინტერესო, შემეცნებითი და შთამბეჭდავი აღმოჩნდა თითოეული მონაწილისთვის.

ჩვენი სკოლის ისტორია კიდევ ერთხელ შეივსო საამაყო ფურცლით — 2025 წლის კურსდამთავრებულებმა მაღალი აკადემიური წარმატების წყალობით სკოლის მედლები დაიმსახურეს. ეს მიღწევა არ არის მხოლოდ მათი ცოდნისა და შრომისმოყვარეობის შედეგი — ეს არის მიზანდასახულობის, ძალისხმევისა და მუდმივი განვითარების სურვილის ნათელი გამოხატულება.… მეტის ნახვა

ჩვენი სკოლის მოსწავლეებმა საოცარი და ემოციური დღე გაატარეს უძველეს ქალაქ ქუთაისში — ადგილას, სადაც ისტორია და ბუნება ერთმანეთს ყველაზე ჰარმონიულად ერწყმის

ჩვენი სკოლის პატარა მხატვრები საკუთარი ფერებითა და წარმოსახვით ქმნიან უნიკალურ სამყაროს. თითოეული ნამუშევარი სავსეა სითბოთი, გულწრფელობითა და ბავშვური სილაღით. მათთვის ხატვა მხოლოდ ჰობი არ არის — ეს არის გზა, რომლითაც ისინი გამოხატავენ საკუთარ ემოციებს, ოცნებებს და სამყაროს მიმართ სიყვარულს.

მოსწავლეებმა მონაწილეობა მიიღეს ტრადიციულ საშემოდგომო ღონისძიებაში, რომელიც გამოირჩეოდა სითბოთი, ფერადოვნებითა და ქართული ტრადიციების სურნელით. ღონისძიების ფარგლებში ბავშვებმა უკეთ გაიცნეს ქართული კულტურის მრავალფეროვნება, შეისწავლეს შემოდგომასთან დაკავშირებული ძველი ტრადიციები და ხალხური რიტუალები

ჩვენი სკოლის მოსწავლეები საოცარ და შთამბეჭდავ ადგილს — საგურამოში, ილია ჭავჭავაძის სახლ-მუზეუმს — ესტუმრნენ. მათ შესაძლებლობა ჰქონდათ უფრო ახლოს გაცნობოდნენ ეროვნული მოღვაწის, დიდი ილიას ცხოვრებას, შემოქმედებასა და ისტორიულ გარემოს, სადაც მან თავისი მნიშვნელოვანი წლები გაატარა.